Thirukural
893 of 1330 – திருக்குறள் 893 of 1330
893 of 1330 – திருக்குறள் 893 of 1330
குறள் பால் : பொருட்பால். குறள் இயல் : நட்பியல். அதிகாரம் : பெரியாரைப் பிழையாமை.
கெடல்வேண்டின் கேளாது செய்க அடல்வேண்டின்
ஆற்று பவர்கண் இழுக்கு.
Translation:
Who ruin covet let them shut their ears,
and do despite
and do despite
To those who, where they list to ruin have
the might.
the might.
Explanation:
If a person desires ruin, let him not
listen to the righteous dictates of law, but commit crimes against those who
are able to slay (other sovereigns).
listen to the righteous dictates of law, but commit crimes against those who
are able to slay (other sovereigns).
கலைஞர் உரை:
ஒருவன், தன்னைத்தானே கெடுத்துக் கொள்ள விரும்பினால் பகையை நினைத்த மாத்திரத்தில் அழிக்கக் கூடிய ஆற்றலுடையவர்களை யார் பேச்சையும் கேட்காமலே இழித்துப் பேசலாம்.
[ads-post]
மு.வ உரை:
அழிக்க வேண்டுமானால் அவ்வாறே செய்து முடிக்க வல்லவரிடத்தில் தவறு செய்தலை, ஒருவன் கெட வேண்டுமானால் கேளாமலேச் செய்யலாம்.
சாலமன் பாப்பையா உரை:
ஒருவன் தான் அழிய எண்ணினால் பிறரை அழிப்பதைச் செய்து முடிக்கும் ஆற்றல் படைத்தவர்களிடம், நீதிநூல்கள் சொல்லும் வழிகளையும் எண்ணிப் பாராமல் பிழை செய்க.
மணக்குடவர் உரை:
பெரியவர்களைப் போற்றாது ஒழுகுவனாயின் அவ்வொழுக்கம் அவராலே எல்லாரானும் இகழப்படும் நீங்காத துன்பத்தைத் தரும். இது முனிவரைப் போற்றா தொழியின் அது குற்றம் பயக்கு மென்றது.
பரிமேலழகர் உரை:
அடல் வேண்டின் ஆற்றுபவர்கண் இழுக்கு – வேற்று வேந்தரைக் கோறல் வேண்டிய வழி அதனை அப்பொழுதே செய்யவல்ல வேந்தர்மாட்டுப் பிழையினை; கெடல் வேண்டின் கேளாதுசெய்க – தான் கெடுதல் வேண்டினானாயின், ஒருவன் நீதிநூலைக் கடந்து செய்க. (அப்பெரியாரைக் ‘காலனும் காலம் பார்க்கும் பாராது –வேல் ஈண்டு தானை விழுமியோர் தொலைய – வேண்டிடத் தடூஉம் வெல்போர் வேந்தர்‘ (புறநா.41) என்றார் பிறரும்.நீதி நூல் ‘செய்யலாகாது‘ என்று கூறலின், ‘கேளாது‘ என்றார்.)
