Thirukural
754 of 1330 – திருக்குறள் 754 of 1330
754 of 1330 – திருக்குறள் 754 of 1330
குறள் பால் : பொருட்பால். குறள் இயல் : கூழியல். அதிகாரம் : பொருள்செயல்வகை.
அறன்ஈனும் இன்பமும் ஈனும் திறனறிந்து
தீதின்றி வந்த பொருள்.
Translation:
Their wealth, who blameless means can use
aright,
aright,
Is source of virtue and of choice delight.
Explanation:
The wealth acquired with a knowledge of the
proper means and without foul practices will yield virtue and happiness.
proper means and without foul practices will yield virtue and happiness.
கலைஞர் உரை:
தீய வழியை மேற்கொண்டு திரட்டப்படாத செல்வம்தான் ஒருவருக்கு அறநெறியை எடுத்துக்காட்டி, அவருக்கு இன்பத்தையும் தரும்.
[ads-post]
மு.வ உரை:
சேர்க்கும் திறம் அறிந்து தீமை ஒன்றும் இல்லாமல், சேர்க்கப் பட்டுவந்த பொருள் ஒருவனுக்கு அறத்தையும் கொடுக்கும் இன்பத்தையும் கொடுக்கும்.
சாலமன் பாப்பையா உரை:
நேரிய வழிகை அறிந்து, தீமை ஏதும் செய்யாமல் சம்பாதிக்கப்பட்ட பணம் அறத்தையும் தரம்; இன்பத்தையும் தரும்.
மணக்குடவர் உரை:
அறத்தையும் தரும்: இன்பதையும் தரும்: பொருள் வருந்திறமறிந்து பிறர்க்குத் தீமை பயத்தலின்றி வந்த பொருள். இது பொருளால் கொள்ளும் பயன் அறஞ்செய்தலும் இன்பம் நுகர்தலும் அன்றே: அவ்விரண்டினையும் பயப்பது நியாயமாகத் தேடியபொருளாமாதலின் என்றது.
பரிமேலழகர் உரை:
திறன் அறிந்து தீது இன்றி வந்த பொருள் – செய்யும் திறத்தினை அறிந்து அரசன் கொடுங்கோன்மையிலனாக உளதாய பொருள்; அறன் ஈனும் இன்பமும் ஈனும் – அவனுக்கு அறத்தையும் கொடுக்கும், இன்பத்தையும் கொடுக்கும். (செய்யுந்திறம்: தான் பொருள் செய்தற்கு உரிய நெறி. ‘இலனாக‘ என்றது ‘இன்றி‘ எனத் திரிந்து நின்றது. ‘செங்கோல்‘ என்று புகழப்படுதலானும், கடவுட்பூசை தானங்களாற் பயனெய்தலானும், ‘அறன் ஈனும்‘ என்றும், நெடுங்காலம் நின்று துய்க்கப்படுதலான், ‘இன்பமும் ஈனும்‘ என்றும் கூறினார். அதனான் அத்திறத்தான் ஈட்டுக என்பதாம்.)
