Thirukural
836 of 1330 – திருக்குறள் 836 of 1330
836 of 1330 – திருக்குறள் 836 of 1330
குறள் பால் : பொருட்பால். குறள் இயல் : நட்பியல். அதிகாரம் : பேதைமை.
பொய்படும் ஒன்றோ புனைபூணும் கையறியாப்
பேதை வினைமேற் கொளின்.
Translation:
When fool some task attempts with
uninstructed pains,
uninstructed pains,
It fails; nor that alone, himself he binds
with chains.
with chains.
Explanation:
If the fool, who knows not how to act
undertakes a work, he will (certainly) fail. (But) is it all ? He will even
adorn himself with fetters.
undertakes a work, he will (certainly) fail. (But) is it all ? He will even
adorn himself with fetters.
கலைஞர் உரை:
நேர்மை வழி அறியாத மூடர், மேற்கொண்ட செயலைத் தொடர முடியாமல், அதனால் அச்செயலும் கெட்டுத் தம்மையும் தண்டித்துக் கொள்வர்.
[ads-post]
மு.வ உரை:
ஒழுக்க நெறி அறியத பேதை ஒருச் செயலை மேற்கொண்டால் (அந்த செயல் முடிவுபெறாமல்) பொய்படும், அன்றியும் அவன் குற்றவாளியாகித் தளை பூணுவான்.
சாலமன் பாப்பையா உரை:
செய்யும் வழி தெரியாத அறிவற்றவன் ஒரு செயலைச் செய்யத் தொடங்கினால் செயலும் கெட்டு, அவனும் கெட்டுப் போவான்.
மணக்குடவர் உரை:
ஒழுக்கமறியாதா னொருபேதையான் ஒருகருமத்தை மேற்கொண்டானாயின், அப்பொழுது பொய்யனென்னவும் பட்டுப் பிறர்க்குப் புனைபூணும். புனைபூணல் – சிறைபடுதல்.
பரிமேலழகர் உரை:
கை அறியாப் பேதை வினைமேற் கொளின் – செய்யும் முறைமை அறியாத பேதை ஒரு கருமத்தை மேற்கொள்வானாயின், பொய்படும் ஒன்றோ புனைபூணும் – அதுவும் புரைபடும், தானும் தளை பூணும். (புரைபடுதல் – பின் ஆகாவகை உள்ளழிதல். ‘ஒன்றோ‘ என்பது எண்ணிடைச் சொல். அதனையும் கெடுத்துத் தானும் கெடும் என்பதாம். இதனான் அவன் செல்வம் படைக்குமாறு கூறப்பட்டது.)
