Thirukural
970 of 1330 – திருக்குறள் 970 of 1330
970 of 1330 – திருக்குறள் 970 of 1330
குறள் பால் : பொருட்பால். குறள் இயல் : குடியியல். அதிகாரம் : மானம்.
இளிவரின் வாழாத மானம் உடையார்
ஒளிதொழுது ஏத்தும் உலகு.
Translation:
Who, when dishonour comes, refuse to live,
their honoured memory
their honoured memory
Will live in worship and applause of all
the world for aye!.
the world for aye!.
Explanation:
The world will (always) praise and adore
the fame of the honourable who would rather die than suffer indignity.
the fame of the honourable who would rather die than suffer indignity.
கலைஞர் உரை:
மானம் அழியத்தக்க இழிவு வந்ததே என்று உயிரை மாய்த்துக் கொள்ளக் கூடியவர்களின் புகழை உலகம் எக்காலமும் போற்றி நிற்கும்.
[ads-post]
மு.வ உரை:
தமக்கு யாதேனும் இழிவு நேர்ந்தால் உயிர் வாழாத மானம் உடையவரின் புகழை உலகத்தார் தொழுது ஏந்தி நிற்பார்கள்.
சாலமன் பாப்பையா உரை:
தனக்கு இகழ்ச்சி வரும்போது உயிர்வாழாத மானம் மிக்க மனிதரின் புகழ் வடிவைப் பெரியோர் தொழுது பாராட்டுவர்.
மணக்குடவர் உரை:
இளிவரவு உண்டானால் உயிர் வாழாத மானமுடையாரது புகழைத் தொழுது துதிக்கும் உலகு.
பரிமேலழகர் உரை:
இளிவரின் வாழாத மானம் உடையார் ஒளி – தமக்கு இழிவு வந்துழிப் பொறுத்து உயிர் வாழாது அதனை நீத்த மானமுடையாரது புகழ் வடிவினை; தொழுது ஏத்தும் உலகு – எஞ்ஞான்றும் தொழுது துதியாநிற்பர் உலகத்தார். (‘புலவர் பாடும் புகழுடையோர் விசும்பின், வலவன் ஏவா வானவூர்தி – எய்துவர்,'(புறநா.27) ஆகலின், துறக்கச் செலவு சொல்ல வேண்டாவாயிற்று. இவை நான்கு பாட்டானும் மானப் பொருட்டாய இறப்பினது சிறப்புக் கூறப்பட்டது.)
