Thirukural
961 of 1330 – திருக்குறள் 961 of 1330
961 of 1330 – திருக்குறள் 961 of 1330
குறள் பால் : பொருட்பால். குறள் இயல் : குடியியல். அதிகாரம் : மானம்.
இன்றி அமையாச் சிறப்பின ஆயினும்
குன்ற வருப விடல்.
Translation:
Though linked to splendours man no
otherwise may gain,
otherwise may gain,
Reject each act that may thine honour’s
clearness stain.
clearness stain.
Explanation:
Actions that would degrade (one’s) family
should not be done; though they may be so important that not doing them would
end in death.
should not be done; though they may be so important that not doing them would
end in death.
கலைஞர் உரை:
கட்டாயமாகச் செய்து தீர வேண்டிய செயல்கள் என்றாலும்கூட அவற்றால் தனது பெருமை குறையுமானால் அந்தச் செயல்களைத் தவிர்த்திடல் வேண்டும்.
[ads-post]
மு.வ உரை:
இன்றியமையாத சிறப்பை உடைய செயல்களே ஆயினும் குடிப்பெருமை தாழுமாறு வரும் செயல்களை ஒருவன் செய்யாமல் விட வேண்டும்.
சாலமன் பாப்பையா உரை:
ஒன்று இல்லாமல் எதுவும் நடைபெறாது என்னும் அளவிற்கு அது முக்கியமானது; ஆனாலும் அதைச் செய்தால் குடும்பத்திற்கு இழிவு வரும் என்றால் அந்த ஒன்றைச் செய்யாதே.
மணக்குடவர் உரை:
இன்றியமையாத சிறப்புடையனவாயினும் தமது தன்மை குறையவரும் பொருளையும் இன்பத்தையும் விடுக. இது பொருளும் இன்பமும் மிகினும் தன்மை குறைவன செய்யற்க வென்றது.
பரிமேலழகர் உரை:
இன்றி அமையாச் சிறப்பின ஆயினும் – செய்யாத வழித்தாம் அமையாத சிறப்பினை உடையவேயெனினும்; குன்ற வருப விடல் – தம் குடிப்பிறப்புத் தாழ வரும் செயல்களை ஒழிக. (அமையாமை – இறத்தல். ‘குடிப்பிறப்பு‘ என்பது அதிகார முறைமையான் வந்தது. ‘இறப்பவரும் வழி இளிவந்தன செய்தாயினும் உய்க‘ என்னும் வடநுல் முறையை மறுத்து, உடம்பினது நிலையின்மையையும், மானத்தினது நிலையுடைமையையும் தூக்கி, அவை செய்யற்க என்பதாம்.)
